اللہ تعالی نے ہمیں عظیم نعمتِ صحت عطا کی ہے، جس کی حفاظت ہماری ذمہ داری ہے۔ صحتمند افراد ہی قوت متحدہ اقوام کی ترقی اور کامیابی کی راہوں پر چلتے ہیں۔ اس لئے ہر معاشرت میں صحت کی حفاظت پر خصوصی توجہ دی جاتی ہے۔ صحتمند فرد ہی زندگی کی خوشیوں سے ہمکنار ہو سکتا ہے۔ ہماری صحت و تندرستی کا انحصار ہماری غذا پر ہے۔
اگر ہم متوازن غذا کا استعمال کریں گے، تو صحتمند و توانائی بچتی رہے گی اور ہمیں امراض سے تحفظ حاصل ہو گا۔ اسی طرح اگر کوئی عارضہ لاحق ہو جائے تو ایسی غذا ضروری ہوتی ہے، جو ازالہ مرض اور صحت کی بقا میں مددگار ثابت ہو۔ صحت و تندرستی کے لئے ہوا اور پانی کے بعد غذا ہی کا نمبر ہے۔ تازہ ہوا اور صاف پانی کی طرح اچھی متوازن غذا جسم کی صحت و توانائی کے لئے ضروری ہے۔
ہم سب جانتے ہیں کہ قوتِ مدافعت امراض سے محفوظ رکھتی ہے اور اس قوتِ مدافعت کو متوازن غذا کے ذریعے مضبوط بنایا جا سکتا ہے۔ غذا جسم کی اس کمی کو پورا کرتی ہے، جو اس کے حاصل نہ ہونے سے ظہور میں آتی ہے۔ ہم جو غذا استعمال کرتے ہیں، وہ جسم میں تحلیل شدہ اجزاء کا بدل بنتی اور خون بن کر نشوونما کرتی ہے۔
ہمارا جسم قدرت کی شاہکار خودکار مشین ہے، جس کا ہر عضو مسلسل مصروف عمل رہتا ہے۔ جس طرح دماغ غور و فکر کرتا ہے، آنکھیں دیکھنے، کان سُننے، زبان چکھنے اور ناک سونگھنے کا کام انجام دیتی ہے، اسی طرح ہم ہاتھوں سے اشیاء پکڑتے، پاؤں سے چلتے پھرتے، بھاگتے دوڑتے ہیں۔ جب یہ اعضا اپنے اپنے حصے کا کام انجام دے رہے ہوتے ہیں، تو ان میں جسم کی صحت ک