ایران اور اتحادیوں کی جانب سے اسرائیل پر حملوں کے خطرے کے پیش نظر، عالمی ایئر لائنز نے اسرائیل کے لیے پروازیں معطل کر دی ہیں۔
ایران میں حماس کے رہنما اسماعیل ہنیہ کی شہادت کے بعد، اسرائیل کے خلاف ایران اور اس کے اتحادیوں کے جوابی حملوں کے خدشے کے باعث عالمی ایئر لائنز نے اسرائیل کے دارالحکومت تل ابیب کے لیے پروازیں معطل کر دی ہیں۔
اب تک جن ایئر لائنز نے اسرائیل کے لیے اپنی پروازیں معطل کی ہیں، ان میں بھارت کی ایئر انڈیا، اٹلی کی آئی ٹی اے ایئر ویز، جرمنی کی لفتھانسا، بیلجیئم کی برسلز ایئر لائن، سوئزرلینڈ کی سوئس ایئر لائن، اور امریکا کی یونائیٹڈ اور ڈیلٹا ایئر لائنز شامل ہیں۔
جرمنی اور سوئزرلینڈ کی ایئر لائنز نے 8 اگست تک، جبکہ اٹلی کی آئی ٹی اے ایئر ویز نے 6 اگست تک اسرائیل کے لیے پروازیں معطل کر دی ہیں۔