ممبئی: معروف بھارتی اداکارہ جیکولین فرنینڈس کی سالگرہ کے موقع پر، جیل میں قید مبینہ بوائے فرینڈ سکیش چندراشیکر نے 100 آئی فونز اور دیگر قیمتی تحائف دینے کا اعلان کیا ہے۔ سکیش چندراشیکر، جو کہ ایک معروف مجرم ہیں اور مبینہ طور پر جیکولین کے بوائے فرینڈ ہیں، نے حال ہی میں اداکارہ کو ایک خط لکھا ہے جس میں انہوں نے سالگرہ کی مبارکباد دی ہے اور کئی تحائف دینے کی پیشکش کی ہے۔
سکیش چندراشیکر نے خط میں جیکولین کو ‘میری بےبی گرل، میری بوما’ کے نام سے مخاطب کیا اور ان کی سالگرہ کے موقع پر 100 آئی فون 15 پرو مداحوں میں تقسیم کرنے کا اعلان کیا۔ انہوں نے اداکارہ کو ایک یاٹ بھی تحفے میں دینے کا ارادہ ظاہر کیا ہے۔
سکیش نے خط میں یہ بھی ذکر کیا ہے کہ وہ جیل میں رہ کر جیکولین کو یاد کر رہے ہیں اور سالگرہ کو ‘رومیو اور جولیٹ’ اسٹائل میں منانا چاہتے تھے۔ انہوں نے کہا کہ اگرچہ کوئی بھی قیمتی تحفہ جیکولین کی خوشی کا باعث نہیں بن سکتا، مگر ضرورت مندوں کی مدد سے انہیں خوشی ملتی ہے۔
سکیش چندراشیکر ان دنوں دہلی جیل میں قید ہیں، جہاں وہ اپنے جرائم کی سزائیں بھگت رہے ہیں۔ انہیں 2015 میں دھوکہ دہی اور دیگر جرائم کے تحت گرفتار کیا گیا تھا، لیکن 2016 میں ضمانت پر رہائی مل گئی تھی۔ دوبارہ گرفتار ہونے کے بعد، وہ مختلف مقدمات کے تحت جیل میں ہیں اور قانونی کارروائی کا سامنا کر رہے ہیں۔
اس دوران، جیکولین اور سکیش کی سوشل میڈیا پر کئی تصاویر وائرل ہوئی ہیں جن میں دونوں کو ایک ساتھ وقت گزارتے ہوئے دکھایا گیا ہے۔