انگلینڈ کے خلاف تیسرے اور فیصلہ کن ٹیسٹ کے لیے قومی ٹیم کا اعلان۔

راولپنڈی: قومی ٹیم نے انگلینڈ کے خلاف سیریز کے تیسرے اور آخری ٹیسٹ میچ کے لیے پلیئنگ الیون کا اعلان کر دیا ہے۔

پاکستان اور انگلینڈ کے درمیان تیسرا اور فیصلہ کن ٹیسٹ میچ کل، جمعرات سے راولپنڈی میں شروع ہوگا۔ اس اہم میچ کے لیے قومی ٹیم میں کوئی تبدیلی نہیں کی گئی ہے۔

راولپنڈی ٹیسٹ میں پاکستان تین اسپنرز، نعمان علی، زاہد محمود، اور ساجد خان کے ساتھ میدان میں اترے گی۔ اوپننگ کی ذمہ داری صائم ایوب اور عبداللہ شفیق کو سونپی گئی ہے۔ ٹیم میں دیگر کھلاڑیوں میں شان مسعود، کامران غلام، سعود شکیل، محمد رضوان (وکٹ کیپر)، سلمان علی آغا، اور آل راؤنڈر عامر جمال بھی شامل ہیں۔

واضح رہے کہ سیریز کے پہلے ٹیسٹ میچ میں انگلینڈ نے پاکستان کو ایک اننگز اور 47 رنز سے شکست دی تھی، جبکہ دوسرے ٹیسٹ میں پاکستان نے شاندار کارکردگی کا مظاہرہ کرتے ہوئے انگلینڈ کو 152 رنز سے ہرایا تھا۔