راولپنڈی (مانیٹرنگ ڈیسک – 1 جنوری 2024ء): سٹیٹ بینک راولپنڈی کے سرکاری ریکارڈ سے اہم دستاویزات چوری کیے جانے کا انکشاف ہوا ہے۔
"جنگ” کے مطابق تھانہ سول لائنز میں ایف آئی آر درج کراتے ہوئے سٹیٹ بینک راولپنڈی کے ڈپٹی ڈائریکٹر عبید بن مسلم کا کہنا تھا کہ بینک کے سرکاری ریکارڈ کی چیکنگ کے دوران کچھ دستاویزات غائب پائی گئی ہیں، دستاویزات کے غائب ہونے کا علم ریکارڈ کی سٹاک وصولی کے دوران ہوا، دستاویزات سرکاری ریکارڈ سے نامعلوم افراد نے چوری کی ہیں۔
تھانہ سول لائنز راولپنڈی میں زیردفعات 380/457 ایف آئی آر درج کرلی گئی ہے۔