لاہور (مانیٹرنگ ڈیسک – 11 جنوری 2024ء): نااہلی کی مدت پانچ سال کرنے کے قانون کے سیکشن 232 کو لاہور ہائیکورٹ میں چیلنج کردیا گیا ہے۔
نجی ٹی وی چینل دنیا نیوز کے مطابق لاہور ہائیکورٹ میں درخواست میاں شبیر اسماعیل نے اظہرصدیق ایڈووکیٹ کی وساطت سے دائر کی ہے، درخواست میں وفاقی حکومت سمیت دیگر کوفریق بنایا گیا ہے۔ درخواست میں مؤقف اختیار کیا گیا ہے کہ پارلیمنٹ کو سادہ اکثریت کے ساتھ قانون سازی کا اختیار نہیں ہے، یہ قانون کی خلاف ورزی کی گئی ہے درخواست میں عدالت سے استدعا کی گئی ہے کہ نااہلی کی مدت پانچ سال کرنے کی سیکشن 232 کو غیر آئینی قرار دیا جائے۔