آن لائن نکاح کرنے والی لڑکی والد اور سسر کے ہاتھوں قتل، ملزمان گرفتار

حافظ آباد: پسند کی شادی کرنے والی لڑکی کا قتل، والدین اور سسر گرفتار۔

حافظ آباد میں پسند کی شادی کرنے والی 20 سالہ لڑکی کے قتل کے الزام میں اس کے والدین اور سسر کو گرفتار کر لیا گیا ہے۔

پولیس کے مطابق، لڑکی نے 29 جون کو آئرلینڈ میں مقیم ایک نوجوان سے آن لائن نکاح کیا تھا، جس پر اس کے والد اور سسر شدید ناراض تھے۔ اس اختلاف کے نتیجے میں، والدین اور سسر نے مبینہ طور پر لڑکی کو قتل کر دیا۔

پولیس نے مقدمہ درج کرتے ہوئے بتایا کہ ملزمان کو گرفتار کر لیا گیا ہے اور انہیں آج عدالت میں پیش کر کے ریمانڈ حاصل کیا جائے گا۔ پولیس کا کہنا ہے کہ اس واقعے کی مزید تحقیقات جاری ہیں تاکہ مکمل حقائق سامنے لائے جا سکیں۔