کراچی : تحریک قیام پاکستان میں قائد اعظم محمد علی جناح کا دست بازو رہنے والی ہمشیرہ مادر ملت فاطمہ جناح کی 57ویں برسی آج منائی جا رہی ہے۔
مادر ملت فاطمہ جناح کی پیدائش 30 جولائی 1893 کو جناح خاندان میں ہوئی۔ وہ برصغیر میں بمبئی پریذیڈنسی کے دوران گجرات کے کاٹھیاواڑ میں جناح بائی پونجا اور میتھی بائی کے سات بچوں میں سب سے چھوٹی تھیں۔ فاطمہ جناح کو مادر ملت یعنی قوم کی ماں کے لقب سے جانا جاتا ہے۔ وہ ایک تجربہ کار اور قابل احترام خاتون سیاسی رہنما، دانتوں کی سرجن، اور پاکستان کے معروف بانیوں میں سے ایک تھیں۔ انہیں پاکستان کے بانی اور پہلے گورنر جنرل قائد اعظم محمد علی جناح کی چھوٹی بہن ہونے کا اعزاز حاصل ہے۔
فاطمہ جناح کی نامکمل کتاب ‘میرا بھائی’ جو قائد اعظم محمد علی جناح کی سوانح عمری ہے، قائد اعظم اکیڈمی نے 1987 میں شائع کی۔ فاطمہ جناح کا انتقال 9 جولائی 1967 کو کراچی میں ہوا اور انہیں بانی پاکستان قائد اعظم محمد علی جناح کے مزار میں دفن کیا گیا۔
آج ان کی 57ویں برسی کے موقع پر قوم ان کی خدمات کو یاد کرتی ہے اور انہیں خراج تحسین پیش کرتی ہے۔