سوات: لڑکے اور لڑکی کے قتل کا ڈراپ سین: والدین قاتل نکلے
سوات کی تحصیل خوازہ خیلہ کے علاقے گٹوسرکوٹنئی میں ایک ماہ قبل لڑکے اور لڑکی کے قتل کا سنسنی خیز انکشاف ہوا ہے۔ تفصیلات کے مطابق، لڑکی اور لڑکے کو ان کے والدین نے قتل کیا اور لڑکی کی موت کو غلطی سے فائرنگ کا حادثہ جبکہ لڑکے کی موت کو خودکشی کا ڈرامہ بنا دیا تھا۔
ڈی ایس پی خوازہ خیلہ سرکل الطاف حسین کے مطابق، 6 جولائی کو لڑکی مسماۃ دختر شیر عالم کی موت کی رپورٹ درج کی گئی تھی، جس میں والد نے دعویٰ کیا تھا کہ یہ موت غفلت سے فائرنگ کے باعث ہوئی۔ اس کے بعد، 10 جولائی کو لڑکے شیر محمد ولد شیربہادر کی موت کی رپورٹ درج کی گئی، جس میں والد نے اسے خودکشی قرار دیا۔
تحقیقات کے بعد پتہ چلا کہ دونوں واقعات میں والدین ملوث تھے، جنہوں نے حقیقت کو چھپانے کے لیے جعلی کہانیاں بنائی تھیں۔