"رونالڈو نے بیٹے کو آئی فون نہ دینے اور انسٹاگرام اکاؤنٹ ڈیلیٹ کرانے کی وجوہات بیان کر دیں”
اسٹار فٹبالر کرسٹیانو رونالڈو نے اپنے نوجوان بیٹے کو آئی فون نہ دینے اور انسٹاگرام اکاؤنٹ ڈیلیٹ کرانے کی وجوہات بیان کی ہیں۔
سوشل میڈیا پر وائرل ویڈیو میں رونالڈو نے وضاحت کی کہ انہوں نے اپنے بیٹے کو آئی فون اس لیے نہیں خریدا کیونکہ وہ نہیں چاہتے کہ جونیئر رونالڈو سوشل میڈیا پر زیادہ وقت صرف کرے۔ رونالڈو نے کہا کہ 2020 میں ان کے بیٹے نے انسٹاگرام پر ایک اکاؤنٹ بنایا تھا، جس کے 10 لاکھ سے زیادہ فالوئرز ہو چکے تھے۔ جب انہیں اس بات کا علم ہوا، تو انہوں نے فوراً اس اکاؤنٹ کو ڈیلیٹ کروا دیا۔
رونالڈو کا کہنا تھا کہ وہ چاہتے ہیں کہ ان کا بیٹا محنت کی قدر سیکھے اور ٹیکنالوجی کی طرف زیادہ توجہ نہ دے۔ انہوں نے مزید کہا کہ بیٹے کو آئی فون نہ دینے کا مقصد یہ ہے کہ وہ مشکلات کا سامنا کر کے اپنی صلاحیتوں کو بہتر بنائے، اور اس کی صحت مند عادات کو فروغ دیا جائے۔
رونالڈو نے اس بات پر زور دیا کہ وہ اپنے بیٹے کو آئی فون اس وقت تک نہیں دیں گے جب تک وہ یہ نہیں سمجھ لے گا کہ محنت اور خود اعتمادی کی کیا قیمت ہے۔