امریکا کی ڈیموکریٹ صدارتی امیدوار کملا ہیرس کل ریاست پنسلوانیا میں ایک ریلی کے دوران اپنے نائب صدر کے امیدوار کا اعلان کریں گی۔ امریکی میڈیا کے مطابق، کملا ہیرس حال ہی میں منتخب ہونے والے نائب صدر کے امیدوار کے ساتھ فلاڈیلفیا میں ہونے والی ریلی میں شریک ہوں گی۔
نائب صدر کے امیدوار کے لیے پنسلوانیا کے گورنر جوش شیپیرو، منی سوٹا کے گورنر ٹم والز، کینٹکی کے گورنر اینڈی بی شیر، ایریزونا کے سینیٹر مارک کیلی، اور وزیر آمدورفت پیٹ بوٹیجِج کے نام زیر غور ہیں۔
کملا ہیرس کی انتخابی مہم کے مطابق، ان کا خطاب اور نائب صدر کے امیدوار کا تعارف ٹرمپ اور ان کے نائب صدر کے امیدوار کے درمیان فرق کو واضح کرے گا۔ اس کے بعد کملا ہیرس اور ان کے نائب صدر کے امیدوار وسکونسن، مشی گن، شمالی کیرولائنا، جارجیا، ایریزونا، اور نیواڈا میں جلسے کریں گے۔